کسی تو نمیشود

یوزدانه گوزل خلق اولا هیچ بیره سن اولمای

یوسف آده چوخ ،‌یوسف گل پیرهن اولمای

دونيانه گزدیم ة کوچه لره خمارگزدیم

لعلين كيمي هيچ يرده شراب كهن اولماز

گورجك سنه گونلوم قوشونون رغبتي آرتار

آخر گوزليم سن كيمي سيمين ذقن اولماز

آچ زولفونو مدهوش ايله حال اهليني عالم

بولسونله كي زولفون تكي مشك ختن اولماز

ياقوت لبين گوهر يكدانه دير اي گول

هيچ كانيده اينجه ن كيمي در عدن اولماز

بي باخماغيلان كونلوم ائوين غارت ايدوبسن

سرمست گوزون تك گوزليم راهزن اولماز

سئودايه دوشوب طوطي طبعيم سني ايستر

بيچاره بيلير سن كيمي شكر شكن اولماز

ترك ايله مرم حشره كيمي كوييني يارين

چون عاشيق اوچون بويله گوزل بير وطن اولماز

 گل حامد بيچاره ني آغلاتما غمينده

انسان دييلن بير بيله پيمان شكن اولماز

حامد ماكويي

/ 0 نظر / 22 بازدید