بسته چهارم

آلاهوم ، بو گوزل ایی

 

آلاهوم ، بو گوزل ایی ، هانسی مکان دان گلیره ؟

یا بهشت دن گلیره یا کمیجان دان گلیره ؟

یا صبانون یلی یار گیسولریندن اسمیش

یا ارم باغی و یا رضوان داغوندان گلیره

یا شمال یلی اسیب گول باغچاسوندان ، ایی آلوب

او نسیم اسماقا ، بو جان و تنه ، جان گلیره؟

ای برادر نه وریم شرح ، که سندن سورادان

اکبریم ،گویلومه باخ ، غم فراوان گلیره

دین ایشیقه که منیم گویلوم اونا روشن اولار

او نوردان عالم امکانه درخشان گلیره

بو جهان دورونه نه قدره دولانسا ، دولانوم

بو منیم گردشیمه آخره  پایان گلیره

یوسف گمشده کیم ، ندن دونه مم اوویمه ؟

لاجرم منیم سینه م ، کلبةی احزان گلیره

سحرین قوشه کیم ، شب دن سحره نعره چکیم

بو نه دن دیر که ،گوزل ایی گولوستان دان گلیره

گورک آیا وطنه بیرده داخی دونه بیللم ؟

تا آللاه طرفیندن ، منه نه فرمان گلیره

اراکا قه یید مه سن ده کمیجانی نه عجب

که بو خار و خسه ، نه لایق بستان گلیره

ترجمه شعری از عراقی شاعر عارف و نامدار کمیجان که در تاریخ 1 / 12/ 84 انجام شد .

محمد کمیجانی

 

/ 0 نظر / 26 بازدید